4097/2025-2026

Aizawl; the 22^nd January,2026: Vawiin khan DC Pisapui Hall-ah Aizawl District Agricultural Marketing Committee (DAMC) chuan an Vice Chairman, Pu Zoramsiama Hmar, Addl. DC hovin an thukhawm. Vawiin meeting-ah hian kan hma lawk February thla atanga sawhthing hralh/lei hunpui (buying/selling season) chu a intan leh tawh mai dawn avangin, nikum aia tha zawk leh felfai zawk a, Aizawl district chhunga sawhthing tharchhuah te lei/hralh dan tur leh a kaihhnawih thil pawimawh hrang hrang khunkhan taka sawiho a rel a ni. Hriattur pawimawh te chu DAMC atangin circular siamin Primary Collection Centre (PCC)/ Secondary Collection Centre (SCC) kaltlangin Sawhthing chingtute hriattir vat zel an ni ang. Kar leh ni 27th & 28^th January,2026 khian Aizawl DAMC  member te leh SCC-a Supervisor leh Assistant Supervisor te tan Agriculture & Farmers’ welfare Dept. chuan Sensitization training buatsaih  dawn a ni.