2695/2022-2023
Aizawl, the 16th November 2022: Ni 19.10.2022 khan Dr Lalhriatzuali Ralte, Deputy Commissioner, Aizawl District hovin SP Aizawl Conference Hall-ah NHIDCL, Aizawl District Official-te leh Aizawl Bypass Road-in a paltlang tur huam chhunga khawtlang mi pawimawhte te chuan Aizawl Bypass 2-Lane Project chungchang sawihona an nei.
He meeting ah hian NHIDCL hotute chuan PowerPoint presentation hmangin he Aizawl Bypass 2-Lane Project ruangam leh a tangkai dan tur hrang hrangte an entir a a. He Aizawl Bypass Road hi National Highway thar NH-06 huam chhunga awm tur a ni a. NH-06 hian Mizoram hi Bairabi atangin a rawn lut anga, Kolasib, Kawnpui, Aizawl, Seling, Kawlkulh, Khawzawl, Champhai khua te zawh zel in, Indo-Myanmar inri na bula Zokhawthar khaw bulah a tawp ang.
He Bypass Road hian Aizawl khawchhung bit laia traffic tawt em em te a chhawk zangkhai hle dawn a, kawngpui a him zawk anga, Silchar atanga Multi Modal Transport Route inkar pawh nasa takin a kai tawi dawna, hei hian motor hmanga bungraw phurh man leh veivah man nasa takin a ti hniam dawn bawk dawn a ni. He Bypass Road rawn chhuahna tur leh a tawpna tur (alignment) pawh thlan fel tawh a nia. Heng Veng/Khua te hi a paltlang ang: Sairang, Chaltlang, Bawngkawn, Durtlang, Muanna Veng, Zuangtui, Muthi, Sesawng leh Seling.
Aizawl Bypass Road tur hi a sei zawng chu 34.500Kms vel a ni dawn a, Right of Way (ROW) pawh 24.0m atanga 90.0m inkar vel a ni anga, kawng zau zawng hi 2 lane-ah 12m niin 4 lane-ah 46.3m a ni bawk ang. He bypass kawng hi Sairang khaw bul atanga intan in Phaibawk khaw bulah a tawp ang. He bypass kawng tluanah hian kawng pengthuam lian 2 leh pengthuam te 2 awm tura ruahman niin leidawh lian 10 leh leidawh te 1 awm bawk tura ruahman a ni a. Tunnel hi pakhat, 2.5Kms vela sei a awm dawn a, Twin Tube Tunnel System design hmanga siam tura ruahman a ni bawk a, a siam dan hi IRCSP-90-2019 specification mila siam turn a ni a, Drilling & Blasting an tih hmanga verh tum a ni.
