3689/2022-2023
Aizawl, the 27th February 2023: Aizawl Bawrhsap Dr Lalhriatzuali Ralte chuan G-20 Meeting leh Chapchar Kut chhungin venhimna tha zawk kalpui a nih theih nan a hnuaia tarlan ang hian khapna thupek a chhuah.
Kan hriat theuh angin Dt 1.3.2023 atanga Dt. 3.3.2023 chhung hian Aizawl ah G-20 Meeting neih a ni dawn a. He Meeting neihna hmun tur MZU Auditorium, MZU Multipurpose Hall, Tanhril leh Chapchar Kut hmanna tur Lammual ah te venhimna tha taka kalpui a nih theihna turin a hnuaia thupek hi chhuah a tulin ka hria a.
Chuvangin, District Magistrate, Aizawl District, Aizawl chuan Section 144, Cr.P.C, 1973 (Act II of 1974) in thuneihna a pek angin, MZU Auditorium, MZU Multipurpose, Tanhril leh Lammual chungah te Remote Control hmang Drone/Aerial Camera leh hetiang lam chi reng reng Dt. 1.3.2023 atanga Dt. 3.3.2023 chhung hian thlawh tir khap tlat a ni. He thupek bawhchhia an awm a nih chuan an Drone/Aerial Camera te man/kahthlak sak a ni ang a, an chungah dan angin hremna lek a ni ang.
He thupek hian Sorkar-a Competent Authority in hetiang ti tura phalna bik a pek te a huam lovang.
