3690/2022-2023

Aizawl, the 27th February 2023: Aizawl District Bawrhsap Dr Lalhriatzuali Ralte chuan SIPMIU project thawh mek tha taka kalpui a nih theih na atan leh Tlawnglui a eizawnna tana Balu la thin te leh Tlawng lui tlawh pawh thin tute an lo him zawk na turin a hnuaia tarlan ang hian hriattirna a siam.

State Investment Programme Management & Implementation Unit (SIPMIU), UD & PA Department chuan Aizawl mipui ten tui thianghlim hnianghnar zawka kan dawn theihna tur Project pawimawh tak Augmentation of Water Supply & Construction of 37MLD Water Treatment Plant, Phase- 3 hna chu a thawk chho mek a. Project hi a zawh tawh dawn avangin hmanhmawh tak leh chak taka thawh a ngai a.

Chuvangin, he Project hi tluang taka thawh zawh a nih theihnan leh Tlawng Lui hmang tangkaituten tawhsual an tawh loh nan he hriattirna hi ka chhuah e;

Tlawng khuahna tur Weir 47 mts a sei thawh chhoh meka tui diversion siamna hi leivung a chhun pawn mai a nih avangin tui in sah huk thei a ni a. Chuvangin heng Tlawng Lui luan tlangna Setlakchhuah, Tanhril ram, Sairang Sihhmui leh Sairang vela Balu la thin te an fimkhur hie tur a ni.

Weir chhak lam Tlawng hnar (Nghalchawm Kai) lama Balu la thinte tan he Project zawh a nih hma chuan kal tlang a rem hrih dawn lo.