Directorate
of Economics & Statistics(E&S) chuan vawiin khan an office Conference
Hall-ah Aizawl District chhunga Registrars of Births & Deaths te tan
Training a buatsaih a. He training-ah hian Aizawl Municipal Corporation huam
chhunga Registrar te chu AMC hnuaiah an awm tawh avangin an tel ve lo a ni.
Tunlai hian
The Registration of Births & Deaths( Ammendment) Rules 2007 tlawhchhanin Civil
Registration System thawh mek a ni. Vawiina Training-ah hian Registrar te
mawhphurhna sang tak leh fimkhur ngai lai te zirtir a ni a. The Registration of
Births & Deaths( Ammendment) Rules 2007 hnuaiah Date of Birth thlakna dan a
awmloh avangin Registration tih dawnin fimkhur a tul zual hle a ni. Hming, nu
leh pa hming thlak a tul pawhin Judicial Magistrate 1st Class hnenah 'Deed of
Changing Name' tihfel hmasak tur a ni a. Delay Registration ti turte chu
kum 60 pel chin emaw pianphunga rualbanlote an nih loh chuan
Non-Availability Certificate (NAC ) dil turin anmahni ngei office-ah an kal a ngai a
ni. Economics & Statistics Department in data a lakkhawm dan
chuan kum 2017 chhunga
naupiang zawng zawng record chu 21431 a ni a. Mitthi zat chu 6191 a ni
thung a ni.
Training of
Registrars of Births & Deaths hawnna inkhawm hi Pu Lalchhuanawma Hrahsel,
Director, E&S chuan a kaihruai a. Registrar 106 ten training hi an
chhim a. Tun dinhmunah Mizoram pumpuiah Registrars of Births & Deaths awm
mek zat chu 847 a ni.
