Vawiin khan Pi Rina Ray, Secretary, Department of School Education & Literacy, MHRD, Government of India chuan Govt. Mizo High School leh P.C Girls’ School te tlawhin, Pi Esther Lalruatkimi, Commissioner & Secretary, School Education chuan a telpui bawk a ni.

Pi Rina Ray chuan Kum 1988 hnuah a vawikhatna tan Mizoram chu a rawn tlawh leh thu a sawi a. Quality Education-in a tum ber chu zirlaite, hlim taka school an kal hi a ni, a ti a. Subject hrang hrang inzirtir piah lamah zirlaiten an theihna (skills) leh tuina an hmuhchhuah hi zirna tha chu a ni, a ti a. Mizoram chu ram nuam, boruak thianghlim tak awmna ram a nih avangin, zirlaite’n environmental issue an ngai pawimawh tur a ni, a ti bawk a ni. Mizoramin zirna lama hma a sawn zel theihnan theih tawp chhuahpui a tum thu a sawi bawk a ni.

Govt. Mizo High School-ah hian N.C.C. ten Guard of Honor pein, School Pipe Band ten rimawi tumin anlo hmuak a ni. He school-ah hian Smart Class tlawhin, zirlaite nen inkawmna hun a hmang a ni.

P.C. Girls’ School-ah hian hmanlai atanga an lo zirtir puantah, laphiar, puanthui leh buhthlei te an lo entir bawk a. Mid-Day Meal te pawh eiin, hun hlimawm tak an hmang a ni.

Govt. Mizo High School- ah hian zirlai 732 awmin, P.C Girls’ ah hian zirlai 468 an awm bawk a ni.