Vawiin chawhma dar 11:00 khan DC Conference Hall, Lunglei ah Mizoram Legislative Assembly inthlanpui kan neih taka vote tlate chhiar dan tur ruahmanna te sawihona meeting neih a ni. Meeting hi Lunglei DEO Dr Ankita Chakravarty, IAS leh Lunglei SP Pu Lalthanmawia ten kaihhruaiin Lunglei District huamchhunga Assembly pasariha candidate –te agent theuh an tel a. 29- South Tuipui leh 30 –Lunglei North RO Pu Benjamin Lalzama, 32 –Lunglei West leh 33-Lunglei South RO Pu K.Lalrohlua leh 34-Thorang leh 35-West Tuipui RO Pu Lalnundika te bakah election kaihhnawih official dangte an tel bawk.

Dr Ankita Chakravarty chuan vote chhiar tura inpuahchahna tlangpui sawifiahna hun a hmang a. Ruahman dan chuan vote chhiarna hi Saikuti Hall Ground Floor ah neih tur niin Assembly Constituency pasarih tan Counting Hall hran theuh siam a ni tawh a.  Ni 11/12/2018 (Thawhlehni) zing dar 8 ah Constituency tin ten a rualin vote an chhiar tan dawn a, postal ballot a vote tlate chhiar tan phawt tur niin zing dar 8:30 atangin EVM-a vote tla te Polling Station wise a chhiar tan a ni ang.  Vote chhiar hi Constituency tin tan Round thum (3) a zawhfel tum a ni. Counting Hall ah hian Table hrang hrang – EVM Table, RO Table, Postal Ballot Table te dah tur niin Candidate ten heng table a thu tur counting agent te an ruat dawn a ni. Assembly Constituency tin tan hetiang hian Vote chhiarna dawhkan awmtur zat ruahman a ni:

Tin, ECI duhdanin inthlan vote chhiar chhungin Saikuti Hall leh a chhehvel ah venhimna khauh tak siam tum a nih thu Lunglei SP Pu C. Lalthanmawia chuan a sawi a. Mipui nawlpui paltlang theih loh turin chhim leh hmar ah check-gate siam ani dawn a, heng gateah te hian luhphalna Identity Card neilo tan chuan a luh tlang theh dawn loh a. Central Armed Police Force leh State Armed Police Forces ten venhim hna an thawk dawn a ni. Vote chhiar ni hian vote chhiarna hmun Saikuti Hall-ah hian tute tan mah mobile phone lakluh phal a ni lo bawk ang. Vote chhiarna hmunah hian media mi te awmna tur Media Center ruahman a nih bakah vote chhiar endik tura ECI ruat Observer te awmna tur pawh ruahman fel a ni tawh bawk.

Vote chhiar tura ruat Counting Supervisor, Counting Assistant leh Micro Observer te tan training neih thuai tur niin naktuk 08/12/2018 (Saturday) chawhnu hian vote chhiar china Mock Drill neih a ni dawn a ni.