No.1647/2021-2022

Aizawl the 31st July, 2021 : COVID-19 hrileng dona kal zela inkharkhip vanga chhuanchham chhungkuate hnenah vawiin khan Chief Minister’s Relief Fund thawh lina chu Aizawl DC chuan a semchhuak. Aizawl Municipal Corporation (AMC) huam chhunga cheng chhungkaw 9750 hnenah tanpuina sum fai Rs 1500 (Cheng sangkhat zanga) theuh pek an ni.

AMC area Zone 10 ah hian Zone tin a Incident Commander-te kaltlangin LLTF kutah tanpuina hlan a ni a, LLTF te hian a dawng tur te hnenah hian an lo hlan chhawng leh ang. Zone tin-a chhungkua tanpuina pek zat chu hetiang hi a ni:

1. Zone I: 913 chhungkua
2. Zone II: 640 chhungkua
3. Zone III: 1154 chhungkua
4. Zone IV: 1122 chhungkua
5. Zone V: 1069 chhungkua
6. Zone VI: 1032 chhungkua
7. Zone VII: 1914 chhungkua
8. Zone VIII: 461 chhungkua
9. Zone IX : 725 chhungkua
10. Zone X : 720 chhungkua

Tanpui ngai chhungkuate hi DC chuan Incident Commander-te kaltlanga thehlut turin LLTF te a hriattir thin a, hun tiam chhunga tanpui ngai list dawn te chu Committee on Utilization of Chief Minister’s Relief Fund for Covid-19 ngaihtuah turin thehluh thin a ni. Sanction a awm veleh a dawng tur ten rang taka an dawn theihna turin DC Office lam chuan theihtawpin hma a la thin a, Incident Commander-te hian an bial theuha LLTF te kutah an hlan thin a ni.

Hemi rual hian CMRF atang thoin LLTF tanpuina LLTF 31 hnenah Rs 20,000 (Cheng singhnih) theuh hlan a ni bawk. Covid-19 hrileng tuar na deuh veng leh Containment zone a hun rei tak atanga puan tawh vengte thlanchhuah niin, heng veng LLTF te hi tanpuina dawng tura ngen sak an ni a. CM Relief Fund atangin tanpuina hi dawn a ni ta a ni. Bialtu Incident Commander-te theuhin LLTF ah an hlan bawk a ni. Mitdel khawlaia zai thin ten tanpuina an dil pawh Committee on Utilization of Chief Minister’s Relief Fund for Covid-19 chuan Rs 2000 (cheng sanghnih) theuhin mi 8 (pariat) hnena pek turin DC ah a hlan a. Commissioner, Persons with Disability, kaltlanga sem tura buatsaih fel a ni tawh bawk.