Vawiin khan Aizawl District Bawrhsap Pu Vanlalngaihsaka kaihruaiiin  District Level Committee on Child Labour for Aizawl District(DLCCL) chu an thu khawm a. Huntiam neia Aizawl District huam chhung tuam chhuakin hnathawhna hmun him lo laiah te  naupang kum 14 tling lo chhawr an awm em tih zawnchhuah an rel a ni.

Aizawl District Bawrhsap Pu Vanlalngaihsaka chuan Aizawl District huam chhungah kum thum liamtaah khan  Child Labour( Prohibition and Regulation) Act 1986 in a phalloh hnathawhna hmun him lo laia naupang chhawr an awm lo nia tarlan a nih thu a sawi a. Hei hi kum 2011 Chhiarpui in a tarlan dan nen a inmil tawk loh avangin fimkhur thu hla ah zirchian hna thawh a ni dawn a ni a. He hna hi kum  tin tin vawi 4 neih a ni ang a ti. The Mizoram Child Labour Rules, 2010 hmanga  kum 2011 a din, DLCCL-ah hian Bawrhsap chu Chairman a ni a. Member dang te chu Superintendent of Police, Project Director, DRDA, District Iinformation & Public Relation Officer,  District Education Officer, District Medical Officer, District Social Welfare Officer, Settlement Officer, LEDSE aiawh Officer, DPC(SSA) bakah YMA leh MHIP aiawhte an awm a ni.