4800/2024-2025

Aizawl the 25th March, 2025: Vawiin chawhma dar 10:00 atang khan DC Conference Hall-ah Aizawl District Disaster Management Authority (ADDMA) hnuaia Zonal Officer te tan ni 2 awh training buatsaih a ni.

Training hawnna thuchah sawiin, ADDMA Chairman leh District Bawrhsap ni bawk  Er. Lalhriatpuia, IAS chuan Aizawl district huam chhungah hian khuarel  chhiatna hrang hrang  alo thleng tawh thin a. Heng te avang hian engtik lai pawha inring renga awm tur kan ni a.  Khuarel chhiatna laka kan inveng seng lo a ni pawhin, tuar nep deuh turin kan lo inhmakhua thei a ni.  Aizawl District  huam chhunga rikrum thil leh khuarel chhiatna a lo thlen thul a, Sawrkar kut ke a tanga, in Zone huamchhung theuhva  LC/VC leh  tlawmmngai pawl te nena  thawk duna, tihtur pawimawh hmasa lo ti a, report te buatsaihtu tur in nih avangin in role hi a pawimawh hle a. Rilru pe tak leh thahnem ngai taka training a, Disaster Management  dan leh hrai bakah, in Zone huamchhunga leilung chungchang pawh Zonal Officer in nih anga in hriat bel ve hle a tul a, chu chu Training-ah hian in zir dawn a, in hlawkpui viau ka beisei a, chumi atan chuan duhsakna ka hlan a che u, a ti. Pu Hriatpuia chuan  khuarel chhiatna in  a nghawng zau zawng te, a dinhmun chiang zawka hre tur te in Drone pawh  hman tangkai a ni tawh tur thu a tarlang bawk.

Ni hnih awh Training-ah hian resource person ten : 

  1. DM Act, 2005
  2. Geological aspects of Aizawl District
  3. Soil mechanics
  4. Slope stability
  5. Basic geology of Aizawl District,
  6. Functions & Role of Zonal Officers & Reporting system
  7. Financial Assistance under SDRF & SDMF chungchang te zirtirna an pe dawn a ni.

Attachment

  • Loading attachment...