4801/2024-2025

Khawzawl, dated 25th March, 2025: Vawiin khan Education Department Khawzawl District hnenah District chhunga Govt. School Computer leh Printer nei lote hnena sem atan DC Khawzawl-in a thlawnin Computer set 10 leh Printer cum Scanner 10 a pe a, heng khawl hi a vaiin ₹15,36,900 man hu a ni a, Corporate Social Responsibily Fund (CSR), NEEPCO, Tuirial aṭanga dawn a ni.

Bawrhsap Pu K. Vanlalṭhianan CSR puihna petu NEEPCO, Tuirial chungah lawmthu a sawi a, heng khawl hi a mamawhte hnenah lo pe a zirna lama hma kan sawn zel nan ṭangkai taka hmang turin Education Department lama thawkte a chah nghal a ni.