Vawiin khan Aizawl DC Conference Hall-ah Aizawl District Election Officer Pu Vanlalngaihsaka hovin Aizawl District chhunga MP inthlan atana Nodal Officer atana ruat te an thukhawm a, Aizawl SP Pu C. Lalzahngova pawh telin April ni 11 a neih tur Lok Sapha MP thlan atana inpuahchah dan tur te an sawiho.

Aizawl Bawrhsap, District Election Officer ni bawk Pu Vanlalngaihsaka chuan Election official-te hi inthlan kaihhnawih a kan inhnamhnawih tawh hnu hi chuan Mizoram sawrkar ta kan ni tawh lova, Election Commission of India ta kan nih tawh rih avangin kan mawhphurhna lehn tih tur a ruat te kan ngaihpawimawh hmasak ber a tul tawh a, inthlan apiangin Election Commission of India in dan thar a siam zel avangin tumah hi expert a awm tak tak theih loh a, kan zavaia kan tanrual a a tul ang zeal kan infinchhuah tlan a ngai ani tiin theihtawp chhuah a thawk turin Nodal officer kalkhawm te a chah a ni.

Vawiin Nodal officer thutkhawmah hian Election expenditure chungchang te, law & order chungchang te, leh thil pawimawh tam tak sawiho a ni a, election expenditure monitoring kawngah rate chart mumal tak siam a political party te nen enho a pawimawh thu te sawi a ni a, heng bakah hian Central Armed Police Force Mizorama election duty a rawn kal tur te lo dawnsawn dan tur te, Flying Squad, Video Surveillance Team, Video Viewing Team, Quick Response Team etc. chungchangte pawh sawiho a ni.