Vawiin khan Lawngtlai District Election Officer Pi Shashanka Ala, IAS chuan Lawngtlai DC Conference Hall-ah Lawngtlaia thu thar theh darhtu (media) leh political party ai awhte chu Lok Sabha Inthlanpui 2019 lo awm tur chungchanga thil pawimawh hrang hrang a sawipui.

Lawngtlai DEO chuan Election Commission of India (ECI)-in March ni 10, 2019 (Pathianni) tlaia Lok Sabha Inthlanpui 2019 hun tuk a puan chhuah thu leh model code of conduct (MCC) pawh hman tan nghal a nih thu a sawi a. Media-te chu inthlan kaihhnawih thil pawimawh mipui hriata puanzar ngaite tha taka puanzarsak tura chahin, party awn lam nei lova thu chhuah tur leh inthlan laia media-te zawm tur dante tha taka zawm turin a chah a. Political party-te chu MCC pawisa tur te, an sum hmanna fel taka chhinchhiah tur te, rally leh public meeting an buatsaih dawna Suvidha hmanga phalna la hmasa zel tur tea chahin, zan dar 8 atanga zing dar 6 thlenga aurinna hman phal a nih loh thu leh a bakah chuan phalna laa hman theih chauh a nih thu te a hrilh bawk.

He hunah hian DEO hi  Election Officer Pu Lalremruata Sailo MCS leh DIPRO Pu C. Lalhruaitluanga MIS te'n an tawiawm a ni.

Mizoram tana inthlanpui hun tuk chu a hnuaia mi ang hi a ni:

1. Hriattirna chhuah hun - Ni 18.03.2019 (Thawhtanni)

2. Chuhtu hming pek luh theih hun tawp - Ni 25.03.2019 (Thawhtanni)

3. Hming pek luh endik ni - Ni 26.03.2019 (Thawhlehni)

4. Inhnuhdawh theih hun tawp - Ni 28.03.2019 (Ningani)

5. Inthlan ni - Ni 11.04.2019 (Ningani)

6. Vote chhiar ni - Ni 23.05.2019 (Ningani)

7. Inthlan thil zawh fel ni - Ni 27.05.2019 (Thawhtanni)