Lok Sabha Inthlanpui 2019 neih dan tur puan fel a nih tak avangin Lawngtlai District Election Officer (DEO) Pi Shashanka Ala, IAS chuan vawiin khan Lawngtlai District chhunga inthlan kaihhnawih hna peng hrang hranga mawh phurtu (nodal officer) turte Lawngtlai DC Conference Hall-ah ko khawmin, an hna chanpual a sawipui.

He hunah hian DEO chuan nodal officer kal khawmte chu inthlan felfai, thianghlim leh muanawm tak a awm theih nan an hna chanpualte uluk leh ?hahnem ngai taka thawk tura chahin, inthlan zawh fel hma chu inthlan thil ngaih pawimawh bera neih tawh tur a nih thu a sawi a. An hna chanpualte a mal mala sawipuiin, hma lak dan tur leh bawhzui dan turte a hrilh a ni.

Lawngtlai DEO hian nodal officer zawng zawng chu ni tin zing dar 9:30 leh tlai dar 4-ah te DEO office-ah an hna chanpuala hma lak dan leh hma sawn dan sawi ho tura inhmu khawm zel turin thupek a chhuah bawk.