Vawiin khan DC Conference Hall, Mamit-ah kan hma lawk Ni 11th April. 2019-a Member of Parliament inthlan kan hmachhawn tur atana inbuatsaihna hrang hrangte thlir ho a ni.

Meeting hi Dr Lalrozama, IAS District Election Officer/District Bawrhsap chuan kaihruaiin kan hma-a Member of Parliament (Lok Sabha thlanna neih turah Sawrkar Department mai baka tlawmngai pawl hrang hrang khawtlang hruaitu te thawhhona a pawimawh dawn thu a sawi a. 

Vawiin meeting-ah hian Model Code of Conduct chu Election Commission of India-in MP Inthlan a puan atang  hman tan a nih dawn avangin, Government property reng reng ah Party mal hming lanna reng reng darkar 24 chhungin  paih vek tura an ni a, Public places/ vantlang hmunhma reng renga Party mal hming chuang emaw mimal fakna lam hawi reng reng pawh darkar 48 chhunga paih vek tur a hriattir an ni bawk. Mimal hmunhma/In lehlo ah te a neitute phalna lova hetiang tarte tan darkar 72 chhunga thianfai tura hriattir an ni bawk a ni. Helama dan bawhchhia an awm leh awmloh lo thlithlaia dan anga hmalak ngaite hma lola turin District-a Flying Squad Team (FST) te chu tih an ni.

SP Office Mamit atangin Venhimna lama thawktu tur mamawh zat report ngaihthlak niin tha taka venhimna kalpui a nih theihnan ruahmanna siam ngaite siam zui a ni bawk a. EVM Machine dinhmun leh mamawh belh zat te sawi zuiho nghal a ni bawk.

Elections kalpui turah hian MCC chungchangah nitin report pek a ngai dawn avang leh Election tluang tak leh tha taka kalpui a nih theihnan Sawrkar Officials te chu mahni station chhuahsan lo turin leh MLA General Election kalpui zawh taka leiba la awmte pawh a ranglama chinfel thuai a nih dawn thu District Election Officer hian a tarlang bawk.

Meeting-ah hian Mamit District chhunga Elections officials, SP, Mamit bakah Nodal Officer hrang hrang bakah Security lam atangin 4th IR Bn  an tel a ni.

MP (Lok Sabha) Election, Mizoram bik hi Phase khatna niin Date of Gazzete Notification hi ni 18.3.19 a ni anga,   Last date of Nomination hi 25 March a ni ang, 26 March ah Scrutiny neih niin Ni 28.3.19 chu last date of withdrawal a ni anga, 11 April ah Vote thlak tur niin, Vote hi 23. May 2019 ah chhiar a ni ang.