1134/2026-2027

Aizawl;the 23rd June, 2026: Vawiin khan DC Pisapui Hall-ah Aizawl District Bawrhsap Er.Lalhriatpuia'n Aizawl district hnuaia Village Council pasarih (7): 1) Chhanchhuahna khawpui, 2) Darlawn vengpui, 3) Khawpuar, 4) Tinghmun, 5) Sateek, 6) Sunhluchhip , 7) Thingsat te hnenah Computer Set + Printer a sem.

Vawiin Computer Set semna inkhawm tawiah hian thu sawiin  Pu Hriatpuia  chuan Digital khawvela kan cheng tawh a, kan Village Council te pawhin khawvel changkang zel mila ke in pen ve theihna tur hmanrua pawimawh tak Computer set leh Printer in dawng hi ka lawmpui hle che u a. Hman tangkai lam mawhphurhna erawh in kutah a awm tawh a, in hman tangkai vek pawh ka beisei a ni tiin, an hman tangkai dan tur tlem tarlang a. In khua-a  ramngaw leh lui te, hmanlai thil hlu in nei te, vantlang thil neih ( social assets) te, thil chhinchhiah tlak thleng te leh in hmalakna te,  In VC huam chhunga sawrkarna hmalakna hrang hrang te; an  bul tan ni ( Date of  commencement) leh thawh zawh ni ( Date of Completion)  te, mipui hnena lehkha pawimawh pekchhuah tur te, tarchhuah tur te leh thil dang tam tak record nan in computer Set dawn hi hmang u la,  VC lo awm leh zel tur te pawhin chutianga an tih zel chuan  VC  record nei  felfai  in nih piah lamah Sawrkar hnena in mamawh hrang hrang te inthlen hunah, langtlang taka hmala thin VC in nih ziah a pholang dawn a, chu chuan thu tam tak a sawi dawn bakah,  in tan thil tih a awlsam dawn a ni. VC level a hetiang te te a hma in lo lakna hi a ni; Digital India, Vikshit Bharat @47 leh Sustainable Development Goals(SDGs) kan tih thin te  hlawhtlinna tura rahbi kan tuk tanna tur chu ni,  a ti.

Pu Ngurthansanga,DLAO,Aizawl District pawhin khuhhawnna thu sawiin, Aizawl District-ah hian VC 70 awmin,tun hmalamah Computer Set hi lo pek vek tawh thu a tarlang a.  VC te thuamchak a, tunlai thiamna mila kan VC ten ke an pen ve theihna tura thuamchak a,kawng sial sak hi RGSA thil tum lian ber a ni, a ti.

Pi Evangeline Hmingsangzuali,DPM chuan  ‘ vote of Thnaks’ sawiin vawiin programme hi a khar ta a ni.