Vawiin khan Aizawl District Disaster Management Authority chu an Chairman cum Deputy Commissioner Dr. Franklin Laltinkhuma Office-ah Disaster Mitigation (invenna) chungchang sawiho turin an thukhawm a. Tunhma deuh atang khan Aizawl khawpui hi Zone 12 ah then niin thingtlang lam atang khan Aizawl District huam chhung hi Zone 5 ah then a lo ni tawh a. Zone tinah hian Zonal Officer 1 zel, DC Office a hnathawk emaw Amalgamated Office emaw a hnathawk te ruat an lo ni tawh a ni. Zonal Officer te hi an bial chhung theuha chhiatna thleng thut thei chungchang a mal malin sawipui an ni a. Hmalak zel dan tur rel nghal a ni.