No.902/2020-2021

Aizawl District chhunga thing leh mau vah chereu nasat a nih avangin lui lian leh lui tê a tui luangte a tlem sawt em em tawh a; chutih mek laiin bawlhhlawh leh leivung te hi Sawrkarin paihna tura a siamah paih lovin kawr leh lui kam remchang laiah paih mai ching an awm tih hriat a ni a. A hmun lova bawlhhlawh leh leivung paih hi khap tlat a ni. Hei vang hian lui tuite hi a tlem sawt mai ni lovin, luia nungchate thlengin an rem chak em em a ni;

Hetiang a nih avang hian District Magistrate, Aizawl, Pu Vanlalngaihsaka chuan Section 144 CRPC, 1973 (Act No. 2 of 1974) in thuneihna a pek angin kan lui tuite humhalha, nungchate an dam khawchhuah theih nan mi tumahin bawlhhlawh leh leivung reng reng Sawrkarin paihna tur hmun a siam ni lova paih khap tlat a ni tih District mipui zawng zawngte zawm turin thupek a chhuah a.

He thupek zawmlote chu Section 188 IPC hmangin hrem an ni ang.

He thupek hian tihchhuah a nih May ni 7, 2020 atanga thla hnih (2) chhung a huam ang.

He thupek hi May ni 7, 2020 khan Court Seal-a nemnghetin a hming a ziah hnan a ni.