No.903/2020-2021

Disaster Management & Rehabilitation Secretary Pi Lalbiaksangi chuan a hnuai ami ang hian ram pawn atanga Mizorama rawn luh chungchang thupek a chhuah.

"Ministry of Home Affairs Order No. 40-3/2020-DM-I(A) dated 01.05.2020 in inkharkhipna (lockdown) chu chawlhkar hnih atan a pawhsei angin, Mizoram chhungah pawh he inkharkhipna hi ni 17.05.2020 thleng kalpui leh turin Chaiman, State Executive Committee, State Disaster Management Authority, Mizoram chuan ni 02.05.2020 khan Order a tichhuak a, he inkharkhip hun chhunga hman tur inkhaihhruaina pawh he Order No. B. 13021/101/2020-DMR/Pt.III dated 02.05.2020 ah hian tarlan nghal a ni.

Inkharkhip hun chhung hian Mizoram border zawng zawng te, mamawh chawkluhna luhka tana ruat bik Vairengte, Bairabi leh Kanhmun tih loh chu khar vek a la nih dawn avangin, Home Department in a bika phalna a pek te tan lo chuan State pawn atanga lo luh pawh khap tlat a ni. Mizoram chhungah pawh tul bik thil ah lo chuan zin vei vah phal a ni lo. Chuvangin, mipuite zin veivak lo tura ngen leh hriattir an ni. Tin, mikhual thlen leh neih pawh phal a ni lo. Ramri a luhka khar mek te chu khar chhunzawm zel a nih avangin, phalna nei lova lo luh tumte reng reng te chu ramri ah dan an ni ang."