2454/2026-2027

Aizawl; 1st October,2026: Tukin zing dar  8:00AM atang khan  DC office,Aizawl  District buatsaihin,Aizawl district hnuaia Department  hrang hrang ten Lammual thenfai  Hnatlangpui an neih a, hetah hian Department  hrang hrang ten tihfai tur hmun chanpual insemin Lammual leh a chhehvel an tifai a ni.Vawiin Faina Hnatlangpui hi “Faina hi Ram rawngbawlna a ni(Swatchhata Hi Seva)” hmalakna kalpui mek hnuaiah “Mitin Faina kawnga hma kan lak theuh chuan India ram a lo fai anga, ram hmasawn kan lo ni ang(Swatchhata Mein Shabag Swatchh Bharat,Vikshit Bharat)” tih thupui hman a ni.

Faina Hnatlangpui hawnna inkhawm tawiah thu sawiin, Aizawl District Bawrhsap leh Chairman, District Level Coordination Committee on Swatchhata Hi Seva ni bawk  Er.Lalhriatpuia chuan  Faina tluantling neih tur chuan  rilru chungril atanga kan Faina hi a intan tur a ni. Intihluihna hmangin Faina tluantling a neih theih loh. Chuvang in mitin hian Faina hi tihdanphung/chin\han (Habit) a kan neih a ngai tawh a ni. Khualzin tam tak Mizoramah an lo kal a, kan Traffic dan zawm thatzia leh kan khawlai faizia te hahipin min fak a, an thehdarh chuai chuai a. Kan kawmkar leh a lang lo lai ( Black Spot) te an lo hmu anga, “kan rin ang he-hu an lo ni lo ve” min tih leh si hi  hlauhawm hle a ni. Chuvangin Aizawl District chhunga sawrkar hnathawk vawiina lo kal khawm te tal chuan Faina hi kan  veng, chhungkua leh office-ah tihdanphung/chin\han( Habit) a kan neih theih nan tan i la zual sauh sauh ang u, tiin kalkhawm te a sawm.

Tukin Zing  Faina Hnatlangpuia hian   Aizawl District hnuaia department 28 atangin Heads of Offices leh staff te mi 500 vel an tel a ni.

Faina Hnatlangpui hawnna inkhawm tawi hi Pu Zoramsiama Hmar, Addl. DC in kaihruaiin, Pu Lalchawimawia, Sr. EE, RWD,PHED chuan mipui kalkhawm te chu Faina thutiam a lak tir hnuah Pi Lalnisaii Asst. Commissioner, Aizawl district chuan lawmthu  sawiin, Faina Hnatlangpui  hi thawh \an nghal a ni.