2467/2025-2026

Aizawl; the 17^th September,2025: Vawiin khan Vanapa Hall-ah District AIDS  Prevention & Control Committee(DAPCC), Aizawl district  buatsaihin; Aizawl district chhunga khaw hrang hrang 25-a kalpui tur 'Intensified IEC Campaign, 2025'  hawnna programme hman a ni a. Pu Zoramsiama Hmar, Addl.DC chuan Khuallian niin 'Intensified IEC Campaign, 2025'  hi Aizawl district chhunga kalpui  ve turin a hawng.

Khuallian Pu Zoramsiama chuan zirlai kalkhawmte hnenah fuihna thuchah sawiin, Mizoram chu India rama AIDS hluarna ber State te  zinga mi a ni mek thu leh thalai ten HIV/AIDS, Drugs leh Sex inkungkaih dan hi tun aia nasa a an hriat chian leh zual a tul tawh tak zet thu sawiin, Intensified IEC campaign hi chutiang atana duan chu a ni, a ti. Zirlai naupang kalkhawm te chuan HIV/AIDS Awareness chu anmahni hriat chauh duh tawk mai lova, Awarness la nei ve lo te hnenah an theina zawn theuhva pudarh ve zel tura ngenin, Campaign hlawhtling taka kalpui a nih theih nan DAPCC te duhsakna a hlan bawk.

Vawiin 'Intensified IEC Campaign, 2025' hawnna  programme-ah hian School 5: Government Mizo High School, Government Republic HSS,  Government Chaltlang HSS ,Modern English High School leh Central HSS-a zirlai naupang te an tel a. Dr. Zonunsangi Khiangte, Deputy CMO leh Member Secretary. DAPCC, Aizawl District chuan Power Point Presentation hmangin Zirlai naupang kalkhawm te hnenah HIV Awareness zirtirna a pe.

Pu Zonunmawia, Hindi Education Officer, Aizawl District chuan “vote of thanks” saswiin, vawiin programme hi a khar ta a ni.