96/2024-2025 

Dt.  5.4.2024 (Inrinni) @10:00 AM khan Pu Rahul Alwal, SP Aizawl chuan a Office-ah Aizawl khawpui chhunga VDP Unit hruaitute a kawm.

He meeting-ah hian Aizawl District Executive Force atangin police officer leh Aizawl City chhunga VDP unit hrang hrang atangin member 43 an tel a ni.

VDP Unit hruaitute chuan Ruihhlo leh Dan bawhchhiatna dona kawnga thawhhona tha zawk siam dan tur chungchangah harsatna an tawhte leh rawtna an neihte Police hotute hnenah hian an thlen. He hunah Pu Rahul Alwal, SP Aizawl chuan VDP te thil thlen chungchang chu lo bawhzui a tum thu a sawi a. Police te tha taka  thawhpui chhunzawm turin VDP hotute hi a sawm a, thla tin an hnathawh report SP hnenah thehlut thin turin a ngen nghal bawk.

VDP-te hnathawh/thawh dan a zirin, ‘Best VDP of the Month’ leh ‘Best VDP of the Year’ te chu lawmman pek a nih tur thu a sawi a.  SP Aizawl chuan VDP Unit te hnenah Torchlight 30 a sem nghal a ni.

Hetiang meeting tam zawk hi hun remchang a piangin  SDPO leh Police Station level-ah thawhhona tha zawk neih theih nan buatsaih a rawt bawk a ni.