Ni 23.2.2017 (Nilaini) hian Aizawl District Swachh Bharat Mission (Gramin) 4* Quarterly Meeting chu Aizawl DC office chamber-ah neih a ni. He meeting-ah hian Aizawl District Open Defecation Free (ODF) a puan a nih theih dan turte sawiho a ni a. Member Secretary Er. Lalsanga report danin Baseline Survey 2012 angin Aizawl District-ah Ekin tha neilo chhungkaw 1517 an awm a, chung ekin tha neilo te chu kum 2016 ah an vaiin SBM (G) sum hmangin a thar sak sak vek an nih bakah BDO te’n MGNREGS sum hmangin chhungkaw 288 zet hnenah ekin an sak sak bawk a. Tunah hian Aizawl District-a thingtiang khua 94 te chu ODF -ah an inpuang vek tawh a. RD Block 5 awmte pawh ertftah an nih hnuah ODF-a puan mai theih tura ruahman mek a ni a. Aizawl District pumpui pawh tun atanga reiloteah ODF a puan mai theih beisei a ni.

Kum 2016-17 chhung hian Bawlhlawh teh thli senghawina (Solid & Liquid Waste Management-SLWM) khaw 2 ah siam zawh ani a, khaw 3 ah siam mek ani a. Tin, Vantiang Inthiarna (Community Sanitary Complex-CSC) khaw 4 ah siam zawh a ni bawk. Hei bakah hian SBM(G) hnuaiah IEC kal tlangin khua leh Sikul tarn takah mipui zirtima awareness campaign kalpui a ni bawk. He meeting hian Kum 2017-18 chhunga hnathawh tur ruahmanna Annual Implementation Plan a pawm bakah thing tlang khuaa Bawihhlawh Paihna Dustbin semna tur ruahmanna a pawm bawk.

He meeting-ah hian Aizawl District huam chhunga SBM(G) kaihhnawih Department hrang hrang a tangin Officer an tei a ni.