1800/2023-2024
Aizawl, 08.09.2023: Natna hrileng inkaichhawn theih laka naupang leh nu naupai lai te invenna damdawi – vaccine lak chungchanga district chhunga hma latu Aizawl District Task Force on Immunization chu vawiin khan DC conference hall ah Addl. DC Pu Isaac C. Lalrempuia hovin an thukhawm.

He meeting-ah hian Intensified Mission Indradhanush (IMI) 5.0 Vaccine pek dana hma lo lak tawhna leh hmavak la awmte sawiho a ni a. He hmalakna hnuaiah hian vaccine hmanga inven theih natna chi hrang hrang - Hepatitis-B, Rota Virus, Measles, Polio, Pneumonia, Rubella, leh a dangte chu umbo a nih thieh nan naupang kum 5 hnuailam leh nu nau pai zawng zawngin a bi kim a vaccine an lak vek thieh nan hma lak a ni.

IMI hi tuna kalpui danah thawh thum a kal tur niin, August ni 7 atanga ni 12, 2023 chhung khan Round 1 kalpui a ni a. September ni 11 atanga 16, 2023 thleng round hnihna kalpui tur niin, round thumna ni October ni 9 atanga ni 14, 2023 a neih tur a ni. Aizawl district chu Aizawl West leh Aizawl East a then niin, vawiin meetingah hian round 1 a hmalakna leh harsatna tawh te report niin, round 2 atana ruahmanna te thlirho a ni.