Vawiin khan DRDA Conference Hall-ah Aizawl District Vigilance and Monitoring Committee chuan meeting an nei a. He meeting hi an  Committee Chairman Pu C.L. Ruala MP(Lok Sabha) chuan a kaihruai. He meeting ah hian  MLA pasarih - Pu K.S. Thanga,  Pu R. Selthuama, Pu R.Lalrinawma, Lt. Col. Z.S. Zuala, Pu  R.L. Pianmawia, Pu Lalduhawma leh Pu K.Liantlinga  te an tel bawk a ni. Anni bakah hian Aizawl D.C. Pu C. Thanchhuma, Project Director, DRDA Aizawl District leh  Department hrang hrang aiawh  - Rural Development Department, PWD, PHE, Soil&Water Conservation Department, leh Social Welfare Department te an ni.

Pu C.L. Ruala chuan hmasawnna chu kan ram tan thil pawimawh leh thil tul a ni  tiin Sawrkar laipui ruahmanna hrang hrang atanga sum hmuh chu  dik taka hmang turin officer kalkhawmte chu a chah a ni. Heng programmes te hi dawhkan atanga monitor lova, a hmunte pawh tlawh reng a tul thu a sawi. MLA ten  hna ennawn ngaite chu sawi hreh lo turin a chah bawk a ni. Aizawl District chhungah heng programmes kalpui dan chu tha a ti thu a sawi.

He meeting ah hian Aizawl District chhunga Centrally Sponsored Schemes (CSS), Ministry of Rural Development in a fund te chu thlir hova a ni a. Chung schemes te chu Mahatma Gandhi National Rural Employment Guarantee Scheme(MGNREGS), Indira Awas Yojana(IAY), Swarnjayanti Gram Swarojgar Yojana(SGSY), Integrated Watershed Development Programme (IWDP), Pradhan Mantri Gram Sadak Yojana(PMGSY), Accelerated Rural Water Supply programme (ARWSP), Total Sanitation Campaign (TSC) leh National Social Assistance Programme(NSAP) an ni.

He meeting ah hian heng Programme hrang hrang sum din hmunte, hnathawh dante, harsatna awmte  chu sawihova, chak zawk a hna thawh a nih theih nan rawtna te siam a ni. MLA te chu an bial chungah project hrang hrang sanction copy chu Department hotuten anmahni pe thin turin ruahmanna siam nise an ti.