Vawiin khan Aizawl District Level Vigilance & Monitoring Committee chu DRDA Aizawl Conference Hall-ah an Chairman Pu CL Ruala, M.P. (Lok Sabha) hovin an thu khawm.
Aizawl District huam chhunga Rural Development Scheme hrang hrang, PWD hna thawh Pradhan Mantri Gram Sadak Yojana (PMGSY) te; PHED hnuaia scheme – National Rural Drinking Water Programme (NRDWP) leh Swachh Bharat Mission (Gramin) te; P&E Department hnuaia hna thawh Rajiv Gandhi Gram Vidyatikaran Yojana (RGGVY) te; Mizoram Scholarship Board hna thawh te; Social Welfare Department hna thawh – National Social Assistance Programme (NSAP), Special Central Assistance to Tribal Sub-Plan (SCA to TSP), Grant-in-Aid under Article 275 (1) leh Construction of Hostel te; DRDA Aizawl hnuaia scheme – Mahatma Gandhi National Rural Employment Guarantee Scheme (MGNREGS), Indira Awaas Yojana (IAY) leh Integrated Watershed Management Programme (IWMP) te; Land Revenue & Settlement hna thawh National Land Records Modernization Programme (NLRMP) te chu he meeting-ah hian thlir ho leh sawi ho a ni.
Ministry of Rural Development in Aizawl District thingtlanga chengte tana scheme a siam hrang hrang February 2016 thla laihawl thlenga sum a pek tawhte tarlan niin, a scheme khawihtu Department-te’n an sum hman dan leh hna thawh tawhte an tarlan bakah, thawh zel dan turte an sawi ho bawk.
He meeting-ah hian MLA pathum - Pu R.Lalrinawma, Pu RL Pianmawia leh Dr Ngurdingliana te bakah, Aizawl District Deputy Commissioner thar Pu Kannan Gopinathan-a te, Postal Department, PWD, PHED, P&E, MSB, Social Welfare Department, Rural Development Secretariat, DRDA Aizawl, LR&S, BDO Aizawl District leh PIA (IWMP) te an tel kim hle a ni.
