Ni 9-13, December  2019 a Mizoram State Games lo awm tura Aizawl East-II biala Sports discipline hrang hrang a mawhphurtuten Bialtu MLA leh Sports Minister Pu Robert Romawia Royte pisa ah Game hrang hrang te inbuatsaih chhoh dan an thlirhova, Game Event zawng zawnga telkim vek dan turte an sawiho bawk.

Aizawl East-II Constituency Level State Games Committee Chairman Pu Roberta chuan State Games lo awm turah MLA zawng zawng  leh infiammite pawh an phur vek a, Medal pawh hi a hlu hle dawn a ni a ti a,Aizawl East-II biala infiammite leh Game tina incharge te chu theihtawp chhuah turin a fuih a ni.

Aizawl East-II bial hian an Colour turah Rawng Pawl (Navy Blue) an thlang tawha, mipui pawhin nasa taka an infiammite tawiawm an tum a ni.

State Games inbuatsaih na atana Aizawl East-II bial Committee hrang hrang leh Game InCharge te in ruatfel vek tawh a ni a, Game hrang hrang  a Aizawl East-II bial aiawh turte pawh thlanfel chhoh mek a ni.

He bial atana Working Committee Chairman Pu Vanlalrawna chuan *theihtawp an chhuah chhoh mek thusawiin Champion ngei tumin tan an la nasa dawn tih a sawi a, bial chhunga Vengtin mipuite pawhin an tawiawm that a rin thu* a sawi.