Vawiin khan Lawngtlaia ANM School Auditorium-ah Nehru Yuva Kendra (NYK) Lawngtlai District huaihawtin thupui thlan sa hmanga thu insawisiakna '3rd District Level Declamation Contest' buatsaih a ni.

He hun hi NYK Lawngtlai-a Multi Tasking Staff K. Lalhmachhuani'n a kaihruai a. Thupui insawisiaknaah hian Lawngtlai khawpui chhunga zirlai mi pasarih telin, "Patriotism & Nation Building" tih thupui hmangin sap tawngin thu an insawisiak a ni.

3rd Lawngtlai District Level Declamation Contest-ah hian S. Beihroki, ANM School Lawngtlaia zirlai chu pakhatna niin, Rs 5,000/- leh citation a dawng a. V. Vanlaltlanmawii, Lawngtlai Vengpui, Don Bosco School Lawngtlaia zirlai chu pahnihna niin, Rs 2,000/- leh citation a dawng a. Caroline Lalhruaitluangi, Lawngtlai Bazar Veng, Don Bosco School Lawngtlaia zirlai chu pathumna niin, Rs 1,000/- leh citation a dawng bawk.

Lawngtlai District chhunga thalaite tana thupui insawisiakna hi kum 2020 Republic Day lo thleng tur puala buatsaih a ni a. He district level contest-a pakhatna hian state level-ah District ai a awh dawn a ni.

Attachment

  • Loading attachment...