Pu R. Thanga, District and sessions Judhe, Aizawl Judicial District chuan zankhat riak turin vawiin khan Serchhip a tlawh a, tlai dar 4:30 khan Serchhip Bawrhsap pisa ah Serchhip District Bawhsap Pi Juhi Mukherjee, IAS leh Superintendent of Police Pu Romil Baaniya, IPS te nen inkawmhona hun an hmang.

Pu R. Thanga chuan Serchhip-a District Court sak mek tlawh tuma kal anih thu leh Sessions case buaipui chungchanga harsatna awm thin te sutkian anih theih dan tur sawipui tuma kal anih thu a sawi a, Serchhip District Jail hawn thuai ni se chuan thil harsa a awm a rinloh thu a sawi bawk a ni. District Bawrhsap chuan kumin chhunga ngeia District Jail hawn tum anih thu hotu liante hnen atanga a dawn tawh thu a sawi a, Superintendent of Police Pu Romil Baaniya pawhin thil tih tul ang chu peihfel thawkhat anih thu leh hmachhawp tlemte chauh a awm tawh thu a sawi a, Sessions Judge in District Jail hawn anih hma a Circuit Bench neih theih dan ngaihtuah tha a tih thu pawh Bawrhsap te hian tihdan kawng dap pui an lo tum tur thu in a chhang a ni.

Sessions Judge chuan an officer te leh an mi leh sa te District Bawhsap leh S.P. ten an lo buaipui leh ngaihsak thin chungchangah lawmthu a sawi bawk a, ruahman lawk ang chuan naktuk hian District Court building sak lai mek chu a hmunah a tlawh ang.

Attachment

  • Loading attachment...