Vawin ni khan Subject Committee 1 te chuan Kolasib District Transport Office leh District Disaster Management and Rehabilitation hnuaia Emergency Operation Center te tlawhin an office hmalakna leh dinhmunte te zirchianna an nei.

Subject Committee 1 chairman Pu Chalrosanga chuan an lo kal chhan sawiin an chanpual Department te hmalakna te, an dinhmun leh harsatna tawh hrang hrangte zir chianga enfiah tura lo kal an nih thu a sawi a. An zir chianna leh enfianna atrangin Vairengte-a Transport Department chuan Weight Bridge neih ngei ngei a pawimawh thu sawiin heng an zirchianna te hi sawrkarah an la thlen tur thu a sawi bawk a ni. Hei bakah hian Subject Committee 1 te hian District Disaster Management and Rehabilitation hnuaia Emergency Operation center pawh tlawh nghalin an hmun hma leh dinhmunte an zir chiang nghal a, Subject Committee.1 te chuan District tina Emergency Operation Center function that a pawimawh thu an sawi bawk a ni.

Subject Committee 1 ah hian Pu Chalrosanga Ralte chu Chairman ni in, member paruk(6) Pu K Sangthuama, Pu Lalrinliana Sailo, Dr.Ngurdingliana, Pu Lalthanliana, Pu R Vanlalvena, Pi Vanlalawmpuii chawngthu te an awm a ni.

Vawina Subject Committee 1 te hi Pi Ramfangzauvi Deputy Secretary leh Pu John Lalrinawma Committee Officer ten an tawiawm a ni.