Vawiin chawhnu hian Parliamentary Secretary for H & TE leh Bialtu MLA ni bawk Pu H. Zothangliana chuan Greater Lawngtlai Water Supply Scheme thawh mek chu a tlawh a, hma lakna hrang hrang te a en.

Greater Lawngtlai Water Supply scheme hi Chhimtuipui khawl tha chakna hmanga pump chhoh tur Project niin 26.645 Crore senna tur a ni a, a pump na khawl pui hi lui atanga meter 750 a sang Chengpawng zawlah bun tawh a ni a, Power Station pawh sak zawh tawh niin power pek luh mai theih in a awm tawh a ni. Chengpawng zawl atanga tui dahkhawlna tur hmun Chawnhu tlang hi Meter 5928 a sangah a awm thung. He project hi kum 2040 ah pawh Lawngtlai khawpui chawm zo thei tura beisei a ni.

Pu Zothangliana chuan hna thawktute chu an thawk tha thawkhat hle a a hriat thu sawiin a hun taka hawn hman a beisei tlat a ni tih thawktute a hrilh a, Lawngtlai mipui te nghahfak Project a nih avangin mipuite pawhin thawktute chungah beiseina sang tak an nei a ni a ti.

Hna thawktu Company Exelsior Merchant Ltd. Manager in a sawi danin tunah hian hnathawktu 60 in an riahchilh mek a, hnathawh tur 75% aia tam thawh zawh tawh ni in, a hun taka hawn theih tura zawh hman ngei kan tum a ni tiin Parliamentary Secretary hi a lo hrilh a ni.

Parliamentary Secretary hi Senior Executive Engineer, PHE, Er. Pu Ngentluanga leh thawktu dang eng emawzat in an tawiawm a ni.