North Eastern Region Capital Cities Development Investment Programme (NERCCDIP), ADB sum hmanga Aizawl khawpui chei bawl thatna thawhkhatna Rs. 32.06 crore chu August, 2009 khan sanction fel niin hna thawh mek a ni a. A thawhkhatna ah hian tui supply lam tih thatna  7 tuizem chhe tawh zingah 4 tui hman theih in siam a ni tawh a, a bak 3 hi thawh mek a ni. Tui tihthianghlimna chlorinator 2 bun fel a ni tawh a, tui meter 15,000 pawh lei thlen ni tawhin vuah mek zel a ni. A thawhkhatna hi 67 % overall in zawh tawh a ni a. February, 2012 hma in zawh fel beisei a ni.

A thawh hnihna tur sum atana Central sorkar in Rs. 100.03 crores (Water supply ah Rs. 64.63 crores leh sewerage scheme ah Rs. 35.40 crores chu 26 July, 2011 khan sanction fel a. Hemi hnuaiah hian Aizawl khawpui veng thenkhat Zemabawk, Laipuitlang Reservoir in a chawmte, Mission Veng, Seventh Day Tlang, Bawngkawn, Luangmual leh Govt. Complex-a tui semna tih that te, tui pump na power supply tih changtlunna te, leh Main Reservoir atanga Zonal tank hrang hrang a tui sem chhuahna - Chanmari Booster atanga Tanhril/Central Jail etc. TV Centre - Sihphir siam thatna te a huam bakah tuizem siam that leh a thar tur Tanhril, Mualpui leh S. Hlimen te a tel. Sewerage scheme ah hian Aizawl khawchhak lam depte a huam tel ang.

He thu hi vawiin khan SIPMIU hotupa Er. Valbuanga’n UD&PA Minister Pu Zodintluanga chu a pisa ah a hrilh a ni.