Vawiin khan Pu Lalchungnunga Addl. Deputy Commissioner hovin a office ah Indian Air Force Airmen Recruitment Rallly chungchang relho a ni. He rally in a kaihhnawih Department hrang hranga officer te bakah Local Council leh Central YMA hruaitu te pawh he meeting ah hian an tel kim hle a ni.

Thalai tam tak tana eizawnna tha tak ni thei tur kan kawtkai maia chhawpchhuah theiha a awm chu lawmawm a tih thu sawiin meeting kaihruaitu Pu Lalchungnunga chuan hemi chungchanga hriat atana pawimawh hrang hrang te sawiin Department hrang hrang te chu Rally neihna tur atan hian mawhphurhna pek an nih chu hlen ngei turin a ngen nghal a ni.

Surg Lt Cdr Lalnuntluanga (Retd) Director Sainik Welfare & Resettlement,Aizawl chuan he Indian Air Force Recruitment Rally hi Mizoram chhunga Mizo te tan a buatsaih anih thu leh hemi chungchang thu Mizoram Chief Secretary hova neih a lo niha an thurel te a sawifiah a. Mizo thalai ten he hun tha hi an hlawhtlinpui ngei theih nan Sainik Office,Aizawl te inbuatsaih dan leh hmalak dan te a sawi nghal bawk.

Indian Air Force Recruitment Rally hi Aizawlah chuan 20th February,2016 zing lam dar 7-10 inkar hian 1st MAP School Armed Veng-ah,Aizawl, Champhai,Kolasib,Mamit leh Serchhip District-te tan Indian Air Force lakna hi a awm dawn a. Qualification ah chuan 10+2, 50 % pass chin, 01 Aug 1996 leh 30 NOV 1999 inkara piang te tan dil theih a ni ang.

Document Ken tur te:- a) Passport size photographs copy 7, lunglehkha dum awm zawna kenga awrh a lak tur, hming leh thlalak hi chalk var a ziah tur. b) HSLC Certificate original 1 copy leh self attested 4 copies. C) HSSLC Certificate with Marksheet original 1 copy leh self attested 4 copies. d) Domicile/Residential Certificate original 1 copy leh self attested 4 copies. e) Consent form - Kum 18 hnuailam tan nu/pa/chhungte signature pek tur a ni a, kum 18 leh a chunglam tan mahni signature pek tur a ni. (Consent form sample chu a hnuaiah tarlan nghal a ni). f) Ball Pen, Pencil, Eraser, Sharpner leh Gum tube-te ken tur.

Hriat fiah duh nei chuan Office hun chhungin Sainik Welfare & Resettlement Office,Treasury Square, Aizawl, Ph. No. (0389) 2322732 ah zawhfiah theih a ni ang.