Tukin dar 7:00 khan Aizawl Marathon chu Treasury Square atanga tlanchhuak tanin Ramhlun Road leh Bawngkawn an tlan tlang a, Falkland-ah World Bank Road pawhin Melriat an tlan thleng a, heta tang hian Kulikawn lamah tlanletin Lammualah an tlanlut leh a ni. Hmeichhiaten Half Marathon an tlan ve bawk a, heng tlanchhuakte hi Pu Zothankhuma, Secretary, Sports Department chuan a vailiam.

Lawmman te hi Sipai Lamualah chawhma dar 10:30-ah neih a ni a, hetah hian Pu Hmingdailova Khiangte, Parliamentary Secretary chu khuallian a ni a, intihsiakna chi hrang hranga lawmmante a sem a ni.

Aizawl Marathon 2015-ah hian mipa 120 tlanin half marathon hmeichhiaah 26 an tlan a, sawrkar department hrang hrang inelna Health & Fitness Run tlan a ni bawk a, hetah hian Treasury Square atangin Aizawl hmar lamah bawk an tlanchhuak a, Chanmari Biakin helin an tlan kir a, Lammualah an tlanlut a, department hrang hrang 10 atangin mi 350 an tlan.

Health & Fitness Run-ah hian Home Department (Mizoram Police) chu pakhatna niin an tlan tam ber a, pahnihna Sports & Youth Services Department niin Revenue Department chu pathumna an ni. PWD, I&PR, Social Welfare, Vety, School Education leh UD&PA department atangin mi engemaw zat an tlan bawk a ni.

Aizawl Marathon 2015 zawhfel takah hian Vanlalpeka, Ramthar, Lunglei chu pakhatna a ni a, 42.195 km chu darkar 2:49:12 chhungin a tlan thleng a, Half Marathon hmeichhiaah Lalrinchhani,ThenzawlHockeyAcademychu pakhatna a ni a, darkar 1:47:20 chhungin a tlan thleng ve bawk.

Aizawl Marathon 2015 result chu hetiang hi a ni -

1. Vanlalpeka, Ramthar, Lunglei - 2:49:12 hrs

2. K.Lalawmpuia, Venghlun, Lunglei - 2:52:39 hrs

3. T.Malsawmkima, Thingsen, Saiha - 3:01:11 hrs

Pakhatnain Rs.50000/- leh Certificate a dawng a, pahnihin Rs.30,000/- leh certificate, pathumnain Rs.10,000 leh certificate dawngin palina atanga sawmna te hnenah consolation prrize Rs.1000 theuh hlan an ni bawk.

Half Marathon result

1.  Lalrinchhani,ThenzawlHockeyAcademy- 1:47:20hrs

2.  Kroshmangaihsangi, SAI, Aizawl - 1:48:07 hrs

3.  K.Lalngaihpari, Durtlang 1:52:18 hrs.

Pakhatnain Rs.30000/- leh certificate, pahnihnain Rs.10000/- leh certificate, pathumnain Rs.5000/- leh certificate an dawng a. Mipa ang bawkin palina atanga sawmna te hnenah consolation prize Rs.1000 theuh hlan an ni a, tlan thleng zawng zawngte hnenah certificate pek an ni bawk.