Pu Lalsawta  Finance Minister chuan  vawiin khan  Mizoram College of Nursing in 28^th Graduation and Lamp Lighting Ceremony 2015, M-Hall Falkawn ah a hmanpui.

Mizoram  College of Nursing-a zirlai te leh zir zo tawh kal chhuak mai  tur ten Pathian leh midangte hma ah khunkhan leh urhsun taka  thu an tiam chu function  dang nena in anglo tak a ni tiin Khuallian Pu Lalsawta chuan  Nurse te hnenah chuan an thutiam ah ding tlat a, mi te leh mi lian, rethei leh hausa thliar lo tur leh  damlo an mahni mamawh tu te ah Isua hmel hmu chunga enkawl tur in a chah a. India ram hi  Health Care ah a ti tha pawl a ni a, Mizoram  phei chu Damdawiin  fai ber pakhatna hauhtu kan  lo  ni tawh a, Mizoram Nurse te dinhmun leh quality phei chu India ram chhung leh pawnah  pawh a sang hle  a, a hre fuh tawh  phei chuan  min rawn au in min rawn thlang nalh nalh tawh mai a, chuvang chuan  Nurse lamtluang zawh tute chu rilru leh tih tak zeta  thawkin Mizoram hmel ti  lang tha in, Pathian rawngbawlna rilru  pu chung leh  thutiam vawng chung zelin, an tumah chianga tluantling ngei turin a chah a, zirlai titha te hnenah lawmman a sem nghal  a ni.

Khual zahawm Dr Lalbiakkima, Director, Health & Medical Education pawhin thu sawiin India ram pawnah pawh Mizo nurse thawk mekte chu  fak an hlawh thu leh a ti tha pawl an nih avanga chhuanawm a tih thu  leh nurse dangte tan pawh kawng a inhawng zau hle a ni tiin thununna ngai pawimawh tur leh hna thawhna a uluk tur in a chah a. Mizoram hmun kilkhawr  ber pawh  Health Department leh  Nursing staff  te hian an luah a, mipuite nunna innghahna  pawimawh tak an nih avanga an hnathawh na tur hmanrua leh mamawh te ngaihtuah  sak zel an ngaih thu a sawi  bawk a ni.

Pi Lalchhanhimi, Principal, Mizoram College of Nursing, chuan MCON chungchang report kimchang tak in  a pe a, Pi Lalbiaksangi, Jt Director (Nursing ) kaihhruai na in  Graduation and Lamp  Lighting  Ceremony leh  Thutiam chhamna neih  a ni a, Zirlai kalchhuakte leh Nu leh Pa aiawh atang te in  thu sawi ngaihthlak a ni bawk.

Mizoram College of Nursing hi Nursing School, Civil Hospital Aizawl ah 1980 ah din a ni a. Ni 11 0ct0ber, 2005 ah College ah upgrade niin BSc Nursing (Degree) Course zirna a lo ni ta a ni. Nurse pawh GNM zirchhuak mi 500 vel leh BSc Nursing zirzo hi vawiin a mi te nen mi 203 in an lo zirchhuak tawh a ni.