Ruahmanna mumal awm hmasa lo leh, rambuai avanga thingtlang mi te Aizawlah pemluta,inekbeng ngai khawpa an awm tak avanga nasa taka Aizawl khawpui alo chep tak avanga harsatna namenlo mipui ten kan tawh tak avangin, felfai zawka a than chhoh theih dan tur duang tura Aizawl Development Authority (ADA) in a ngen anga IIT, Kharagpurin Draft  Aizawl Master Plan 2030 an buatsaih chu, department leh pawl anga rawtna leh sawiselna 20 chuang an thehluh, Board of Enquiry and Hearing in a zirchian hnua rawtna (recommendation) a siamte chu Board memberte chuan vawiin khan ADA Chairman Pu Lal Thanhawla, Chief Minister hnenah an thehlut.

Board of Enquiry and Hearing Chairman Pu R.Lalrimawma, MLA chuan Aizawl khawpui hi mumal taka a than chhoh theih nana hma latu Chief Minister hnenah lawmthu a sawi hmasa a. Recommendation an thehluh tak hi ADA in lo zirchiang leh hmasa phawtin, pawmpui anih chuan IIT, Kharagpur ah hian thehlut lehin, Final Aizawl Master Plan 2030 an rawn siam dawn a ni.

Board of Enquiry and Hearing ah hian Chairman Pu R.Lalrinawma bakah member Pu Rinsanga,IAS(Rtd), Er.Dunglena (Rtd), Pu Nghaklianmawia,MCS(Rtd) leh Pu R.Lalhmunliana,Town Planner Member, ADA te an awm a ni