Rural Development Department leh SIRD tangkawp chuan nimin khan ni hnih (Feb ni 28 leh 29) awh ‘State Level Workshop on Payment of Wages under Mahatma Gandhi National Rural Employment Guarantee Act’ tih chu Directorate of Rural Development Conference Hall-ah an tan a. Workshop hi Pu K Laldingliana Joint Director Rural Development Department in a hawng a ni.
Workshop ah hian Ministry of Rural Development in ruahmanna an siam anga MGNREGS-a in hlawhna pawisa zawng zawng te Bank emaw Post Office emaw kaltlanga hlawh an lak tur chunchanga harsatna hrang hrangte an sawi hova, chinfel dan tur kawng te inhrilhfiahin, bawhzui dan tura ruahmanna te an sawi ho bawk a ni.
Workshop ah hian District hrang hranga DRDA Project Director te, Block tin a BDO leh an aiawhte bakah Bank hrang hrang aiawhte an tel a ni.
