No.7562/2020-2021

Pu Laima Chozah, State Election Commissioner, Mizoram chuan vawiin (February ni 18, 2021) khan a hnuaia tarlan ang hian Aizawl Municipal Corporation inthlanna buatsaih a ngaih vanga AMC huamchhunga Model Code of Conduct puan chu hlih a nih thu thupek a chhuah.

"State Election Commission, Mizoram chuan General Election to Aizawl Municipal Corporation, 2021 neih a nih dawn avangin political party, candidate-te leh mipui thlan sawrkar mipawimawhte zawm turin Model Code of Conduct a lo puang tawh a.

Inthlanna a vote tla te chhiar zawh tawh niin, Municipal Returning Officer-ten February ni 18, 2021 hian inthlan result an puang kim tawh bawk a.

Hetiang a nih takah chuan, India Danpui (Constitution) Article 243ZA leh Mizoram Municipalities Act, 2007 (amended) section 346(1) leh Mizoram Municipalities (Election of Councillors) Rules, 2007 (amended) in thuneihna min pek tlawhchhanin Aizawl Municipality-a Model Code of Conduct hman mek chu February ni 18, 2021 chawhnu atangin ka hlip e"