347/2024-2025 

Aizawl, the 24th April, 2024: Vawiin 24th April 2024 atang hian Pu Lalrinenga Sailo, Mayor leh Taxation Department hotute ruahmanna angin Aizawl Municipal Corporation Office ah Taxation Department chuan an Site Office an luah ṭan a. Site Office ah hian Pu H Lalramsanga, Assistant Commissioner of State Tax chu 'GST Facilitator' niin, kar tin Nilaini leh Ningani in a thu thin anga, State Tax Officer (STO) pakhatin a pui ang. Site hawnna programme neih niin, Pu C Vanlalchhuana, Joint Commissioner of State Tax & GST Nodal Officer leh Pu Hrangthanmawia, Asst. Commissioner of State Tax & GST Nodal Officer ten thusawina hun an hmang a, Site Office a Officer-in-Charge/GST Facilitator, Pu H Lalramsanga Asst. Commissioner of State Tax pawhin report pekna hun a hmang. He programme ah hian GST Investigation Cell hnuaia STO-te an tel bawk a ni.

Aizawl Municipal Corporation hnuaia hna chi hrang hrang (works contract/supplies etc.) thawktuten chhiah an pek tur hrang hrangte awlsam zawka an pek theih nan Taxation Site Office hi siam a ni. He Site Office a Tax Official-te hian AMC hnuaia hna chi hrang hrang thawk, chhiah pek tur neite an lo pui thin ang a. Hei hian Goods and Services Tax (GST) leh Profession Tax a huam anga, a tul dang angin GST registration dil duhte pawh an lo pui thin dawn a ni.

GST hi contract hna leh material supply chi hrang hrangah pek a ngai thin a. Kum khat chhunga Rs. 10 lakhs (service ah) leh Rs. 20 lakhs (bungrua/goods ah) lalut tute chuan GST registration neiin an GST an pek a ngai thin a. Hei hian works contract service leh material supply a huam a. Chhiah pek loh hi na taka hrem theih anih avangin chhiah petute harsatna sukiang tur leh buaina an pumpelh theih nan he ruahmanna hi siam a ni.