Aizawl Municipal Council (AMC) chuan vawiin chawhma dar 11.00 khan AMC Meeting Hall, Thuampui-ah rorel inkhawm an nei a; inkhawm hi Chairman Pu C.T. Zakhuma’n a kaihruai a ni.

AMC rorel inkhawmah hian zawhna lut a awm lova, Chairman chuan AMC hnathawh leh hmachhawp thenkhat chungchangah report a pe a. Plastic waste Management and Halndling Rules 2001 hnuaiah plastic/polythene hman phalna, hman hnu lak khawm, thliar leh thehthang hna chu Municipal Council mawhphurhna a nih thu a sawi a. Aizawl khawpuia Ni-zung chakna hmanga eng chhitna (solar energy) tura project kal mekah Local Council zawng zawngte eng chit tur an mamawh zat belhkhawm chu 6163 a nih thu Chairman hian sawiin, school leh hospital-te chu a thlawna eng pek an nih tur thu a sawi bawk. AMC Chairman chuan Aizawl khawpuia chengten sa thianghlim an ei theihna tura sawrkarin khawpui chheh vela sa sawngbawlna a buatsaih dan sawiin, AMC hmalaknate pawh a tarlang bawk.

Vawiina AMC rorel inkhawm hian AMC Chief Executive Officer (CEO) hnena financial power pek dan chungchang an sawiho zui a ni.