Vawiin khan Secretariat Conference Hall, New Capital Complex ah Aizawl Smart City Limited hawn a ni.

Hawnna inkhawm-ah Dr.C.Vanlalramsanga chuan Smart City kalpui a nihna ah hian Aizawl a cheng mipuite hamthatna hre reng chunga hnathawk turin kalkhawm te chu a fuih a. Smart City atana hnathawhna ah hian hmasawnna ruhrel te chu mipuite khawsak phung chawikang tur a nih thu leh Mizoram ah chuan Aizawl atan chauh hna thawh anih avangin khawpui dangte entawn theih tura kalpui turin a chah bawk a ni. Smart City hi kum 5 chhung 2015-2020 chhunga thawh tur a nih angin muang chang lova chak taka hna thawk turin  kalkhawm te chu a chah a, line department zawng zawngte nena thawhhona tha nei turin a chah bawk a ni.

Smart City ruahmanna hi inelna anga kalpui a ni a, a hmasa ber chu 2015 khan kalpui niin, Aizawl chu he ruahmanna tel tur hian 25th June, 2017 khan thlan a ni. A tum ber chu khawpuia cheng mipuite hnena changtlung zawka Tui (Water Supply), Eng (Street Lighting), tui luankawr (Drainage System), Traffic, Transportation, Motor parking, Housing, Market Centre siam, bawhhlawh senghawi (Garbage disposal), Health & Education bakah khawpui mamawh tur te buatsaih a, hmalak  a ni. Hemi  atan hian Rs. 2,053.01 crore ruahman a ni.

He ruahmanna ti hlawhtling tur hian State Level High Powered Committee Chief Secretary kaihhruaina hnuaiah din a ni a. Aizawl Smart City Limited (ASCL) Board of Directors din leh niin hei hi Secretary UD&PA in a kaihhruai a ni.

Vawiin-a Aizawl Smart City Limited hawnna hi Er.Lalrothanga, Chief Executive Officer, Aizawl Smart City Limited in a kaihhruai a, Aizawl Mayor Pu PC Lalhmingthanga leh official pawimawh te an tel a ni.