1. Neitu nihna:
Mizoram Badminton Centre (MBC) hi Aizawl Smart City Ltd. in a enkawl chhunzawm ang. Hawn a nih atanga enkawl chhunzawm nghal turin Zonunthara Hnamte, S/o Lalhmuakliana Hnamte, Dinthar Veng Aizawl, Ph - 9862632557 chu Manager atan ruat fel nghal a ni.
2. Thil tum:
Aizawl Smart City Ltd. chuan hmathlir thui tak neiin MBC hi Mizoramin Badminton-a hma a sawn theihna atan Ieh khawvel huap thleng pawha player tha leh hlawhtling chher chhuahna hmanrua a nih theih nan hman tangkai a tum a, chutianga a thil tum tihlawhtling thei tur pawl leh mimalte thawhpuiin MBC hi enkawl a tum a ni.
3. Membership Fee:
Mimal tu pawh, MBC hmunhmate hmang tangkai duh tur chu member nih hmasak phawt tur a ni a, member ni tura inziah luhna man (Fee) hi MBC enkawltu tura Aizawl Smart City Ltd (ASCL) in a ruat, Centre Manager hnenah thla khat atan emaw thla ruk atan emaw kum khat (thla 12) atan pek theih a ni ang.
Member Fee hi facility kan hman tangkai (access) duh dan azirin hetiang hi rate a ni ang:
Badminton chauh : Rs. 400 per month (Rs.4800 per year)
Gym chauh : Rs. 700 per month per person
Gym leh Badminton : Rs. 1000 per month per person Member
Fee hi Zuangtui mi leh sa, Local Council President/Secretary hnen atanga hriatpuina lehkha nei tan a man pangngai chanve a ni ang.
Membership Fee hi a thih hma ngeiin Centre Manager hnenah tihnun/pawh sei zel tur ni a, pawt sei lova hman chhunzawm a nih chuan pawhsei leh dawnah member nih Ioh thla chu pek kim leh vek tur a ni.
Member ni lo tan leh Membership tinung lo emaw pawt sei lo tan nikhatah mi pakhat tan cheng 50 zel fee pek tur a ni.
4. Coaching:
MBC hi Coaching kalpui theihna tura duan leh sak a ni a. Hetiang atana hmang duh pawl leh mimal an awm chuan, chung pawlte leh ASCL an indawr ang a, a hman man (rate) leh condition dangte sawi hovin inremna an siam hmasa thin ang Coaching kalpui lai chuan coaching prog ramme bik atana court hman tur zat siam felin, coaching tibuai loa MBC active member ten an khelh tel theih dan ngaihtuah thin a ni ang.
5. A hman man (Rate):
MBC hman man (rate) chu hetiang ang hi ani ang:
District Level, State Level & National Level organised by Govt Recognised Body tan - Rs. 2000 per day (9 Am to 5 Pm).
Hun tiam bawh pelh chuan darkar khatah Rs. 50 per court per hour chawi belh zel tur a ni ang.
Sawrkar recognised body ni lo tan: Rs. 4000 per day ( 9 Am to 5 Pm).
Hun tiam bawh pelh chuan darkar khatah Rs. 100 per court per hour chawi belh zel tur a ni ang.
6. Facilities Dangte:
MBC hnuai parking hi mimal tan parking (motor riahna) atan book theih a ni a, 4 wheeler tan thla khatah Rs. 2000 a ni ang a, two-wheeler tan Rs. 500 a ni ang. MBC member active, MBC hmangtute tan a hranpain parking fee hi lak a ni tawh lovang-
7. Dress Code: MBC-ah hian inkhelhna thawmhnaw pangngai inbel chauhin inkhelh phal a ni a, a bik takin Badminton Court chhungah hian Non-Marking shoes bun chauhin inkhelh phal a ni. Tin Court vawn fai leh thianghlim nan inkhelhna tur bik pheikhawkte hi pawn lamah bun nghal lovin Court luhpui atan chauha bun tur a ni.
8. Faina leh thianghlimna lam:
MBC member-te chu infiam mi, mi invawng fel chin an nih beisei a ni a, Chuvangin MBC vawn fai leh thianghlimna chungchangah pawh Dan zawmtu an ni tur a ni. MBC Building chhung luh tawh chuan a building pumpui hi Non-Smoking area a ni a, hemi chhunga zuk leh hmuam tih chu Rs. 200 chawi theihna a ni a, ruih theih thil ken luh leh tih phei chu khap bur niin a tilui hriat chu Dan hmanga hrem ngei an nih theih nan thuneitute hnena hlan nghal zel tur a ni ang.
9. Venhimna lam: MBC hmunhma leh bungruate ven leh vawn him zui hi hawn a nih atanga thla khat chhung chu contractor kutah a la awm zui ang.
10. Hman man bituk leh a kaihhnawih awm theite: He MBC enkawl chhunzawmna atan hian ASCL chuan Fund a nei tawh lova, a enkawl chhunzawmna tur hi MBC atanga sum lut hmangin a thawh chhuah a ngai a ni. Chuvangin a hman man bituk hian a enkawlna tura sum mamawh a thawk chhuak zo lo a nih chuan a hman man leh fee hrang hrang bitukte hi la ennawn leh theih a ni ang.
Issued by: Aizawl Smart City Ltd.
