Aizawl District huam chhunga Pol ice Station leh Police Out Post a Police Officer Case I/O te chuan Dt. 1.7.15 atanga Dt.3.7.15 chhung hian Crime Review Meeting, Pu C Laldina Superentendent of Police Aizawl hovin S.P Aizawl Conference Hall ah an nei.
Crime Review Meeting ni hmasa berah hian Pu C. Laldina IPS, S.P Aizawl chuan Police-te chu rinawmna leh mahni inpekna tak tak nena mahni hna thawk theuh tur leh chhel tak leh taima taka mahni kova hna te thawk theuh turin Police Officer kal khawmte chu chahin fuihna thu a sawi a ni.
Chawhma lamah case pending-te leh hma lak zel dan turte sawiho niin chawhnu lamah Aizawl District Court a Public Prosecutor-te nen hmai hma-ah investigation leh prosecution lama chak zawka hma lak theih dan tur-te, dan anga misualte hrem ngei an nih theih nan a tih tur tul leh pawimawh te sawiho in P.P te nen hian hun hman a niin hlawkthlak an ti hle. PP leh APP te nena ko kim zawka hetianga interaction neih leh hi remchang hmasa neih leh tum a ni.
Police Station hrang hrang a case neih dan leh hmalak zel dan turte sawi ho anih hnu hian vawiin tlai lamah Crime Review Meeting hi khar a ni in IGP Pu Zorammawia IPS leh DIG (NR) Pu L.T Hrangchala, IPS ten hun an hmanpui a, hetianga S.P Aizawl huamchhunga Police Officer ten sualna do zel tura intawhkhawmna hun hlawk taka hman a nih avang hian lawmthu an sawi a, a bik takin Police Station a Police Officer te chu mipui chhia tha dawngsawnga lo buaipuitu ber an nih avangin Mizoram Police hmel mawi leh mawi lohna zawng zawng hi an ko-ah a innghat tih hria a, nasa leh zuala hmasawnna kawng zawh zel turin an fuih a ni.
Ni thum chhung Crime Review Meeting neih a nih chhung hian Police Station tin a I/O atangin kum 2014-2015 chunga Police Officer hna thawk tha te thlanchhuah an ni a, chungte chu :
Best IO : ASI. Zaichhunga
Best Rural Police Officer : SI. C. Zonunmawia
Most Promising IOs : ASI. Tommy Zonunsanga
ASI. Melody Lalengmawii
ASI. Lalrinpuii Pachuau
Most Hardworking IOs : SI. L. Ramnghakmawia
SI. H. Lalchawimawia
SI. Lalrilhkima
Crime Review Meeting-ah hian Aizawl District chhung a Police Station pakua atangin Special Report (S.R) case 36 leh Non Special Report case 354 sawi ho tura chhawp chhuah a ni a, hma lak zel dan tur leh case kalpui zel dan tur te sawiho a ngaihtuah bawk.
January 2014 to June 2014-ah kum 2015 January to June chhunga case register, charge sheet, pending etc, Comparative Crime Figure Jan - June 2014 & 2015 atan hian case langsar zual 10 atangin thlir ho a ni a. 2015 kum chanve chhung hian case register chu a tlangpuiin a tlem hret a, MLTP Act-ah hian kumin hian MLPC Act hman a nih tak avangin nasa takin case register a tla hniam thung a ni. Amaherawhchu Non-FIR case lamah MLPC Act hmang hian zurui case te kal tir anih tak vek avangin MLTP Act aiin MLPC Act hman hnu hian regular case a thla hniam ta zawk a ni.
