Vawiin khan zankhat riaka lokal Union Minister of State Pu Santosh Kumar Gangwar chuan Mizoram Govenor Lt. Gen. Nirbhay Sharma PVSM, UYSM, AVSM, VSM (Retd) chu Raj Bhawan ah a kawm.

Governor chuan Mizoram chu Kaladan Multi Mode Project leh Rail lo luh dawn tawh avangin South East Asia leh India tan hmun pawimawh tak ala nih tur thu a sawi a. Mizoram hian kut themthiamna leh puantah (handloom & handicrafts) kawngah hmun sang tak a luah a, a thawnchhuah leh hralhna kawngah hmalakna tur tam tak a la awm a ni a ti. Mizoram chu state ralmuang anih avangin hmasawnna pawh chak taka kalpui theih anih thu Governor hian Minister chu a hrilh a ni.

Union Minister hi Textiles Secretary Dr. S.K. Panda in a tawiawm a ni.