Local Council, Armed Veng, Aizawl hnen atanga ngenna angin Armed Veng chhung kawngpui kam hmun thenkhat ah lirthei park/dah remchang lo lai te enfiah a ni a, Armed Veng Local Council hotute nen inrawntlan anih hnuah, Mizoram State Sorkar Notification No. B. 12021/10/04-TRP dt. 22.8.2008 leh Section 117 of MV Act, 1988-in thuneihna a pek angin,Superintendent of Police, Traffic Mizoram chuan a hnuaia tarlan kawngpui sir ah hian lirthei park/dah phal a nilo tih thupek a chhuah.

1. 1st Bn.MAP Ground hmar lam kawngpui phei Pu C. Lianzika In atanga Pu F. Papianga (L) te In inkar kawngpui kam tawn tawn ah lirthei (407 truck) chin chunglam park/dah phal a nilo.

2. Pu PC. Lalnunmawia In leh Armed Veng Bazar inkar kawngpui kamah lirthei (407 truck) leh a chunglam park/dah phal a nilo.

He thupek (Notification) hi thu leh awm hma chu ni 1.2.2016 (Thawhtanni) atanga hman a ni ang, he thupek bawhchhia te chu MV Act Section 177 & 179 hmanga man a hrem an ni ang.

He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang.