3804/2022-2023
Mizoram State Sorkar Notification No.B.12021/10/04-TRP Dt.22.8.2008 leh Section 115&117 of MV Act, 1988 in thuneihna a pek angina Senior Superintendent Traffic, Aizawl, chuan ahnuai a mi ang hian thupek a chhuah.
Ni 12.3.2023 (Pathianni) hian PWD, Aizawl Road South Sub-Division-III ten, Bazar Bungkawn atanga Sikulpuikawn inkar kawng chhe lai siamthat hna an thawk dawn a. Tin, Zodin Traffic Point atanga AR Mandir hnuai phei Canteen kual siamthat hna thawh anih dawn avangin hnathawh chhungin helai kawng hi khar/Block ani dawn tih mipuite kan in hriattir a ni. Hemi hun chhung hian lirthei chhim lam atanga hmar lam pan tur ten Zodin Traffic Point atangin Baza tlang hnuai ah an hel chho thei ang.
Tin, Zodin Traffic Point atanga over bridge Baza tlang hnuai Mandir opposite ah hian lirthei engmah hnathawh hun chhung hian dah phal a ni lo.
He thupek hian chhiatrupna thil; kangmei leh emergency kaihhnawih a duty, dan leh thupek pawimawh bik a Police leh Magistrate duty te chetvelna a huam lo ang.
