3863/2023-2024
Aizawl, the 16th February, 2024: Sairang Zero Point to Lengte Peng kawng chu Nidhi Creative Infrastructure Pvt. Ltd. te'n PWD, Mizoram hnuaiah Black-top hna an thawk dawn avangin hnathawktute'n tluang tak leh ngawrh taka an thawh theih nan Pu Lalbiaktluanga, Superintendent of Police, Aizawl chuan Government of Mizoram Notification No. B. 12021/10/2004-TRP Dt. 01.06.2020 leh Motor Vehicle Act, 1988 (Act 59 of 1988) Section 115 in thuneihna a pek angin he kawnga lirthei tlan dan turah a hnuai ami ang hian thupek a chhuah.
1. Kawng siam hun chhung zing dar 8:00 atanga chawhnu dar 1:00 (8:00 AM to 1:00 PM) leh chawhnu dar 2:00 atanga tlai dar 5:00 (2:00 PM to 5:00 PM) hian 407 leh a chunglamte chu Sairang Zero Point to Lengte Road-ah kal lovin Buichali lam kawngah tlan tur a ni ang.
2. Kawng siam hun chhung hian Maxi Cab leh a hnuai lamte chu kawngpui pangngai zawhin an tlan thei ang.
3. Hnathawhna hmun paltlang Lirthei veivak lo enkawl chu Nidhi Creative Infrastructure Pvt. Ltd. te mawhphurhna a ni ang.
He thupek hian chhiatrupna thil, kangmei leh emergency kaihhnawiha duty, dan leh thupek pawimawh bika Police leh Magistrate duty-te chetvelna a huam lo ang. He thupek hian Dt. 18.02.2024 atanga 08.03.2024 (20 days) chhung a huam ang. He thupek bawhchhia chu u/s 179 Motor Vehicles Act, 1988 hmanga hrem theih an ni ang.
