1927/2024-2025

Aizawl the 5th September, 2024: Stephen Lalrinawma, MPS, Sr. Superintendent of Police, Traffic, Aizawl chuan Mizoram  State Sorkar Notification No.B.12021/10/04-TRP Dt.22.8.2008 leh Section 115 & 117 of MV Act, 1988 in thuneihna a pek angin a hnuaia mi ang hian thupek a chhuah.

PWD, National Highway Division-Ill te chuan ni 4.9.2024 atangin ni 4.10.2024 thlengin Kawnpui to Khamrang inkar (Ch 118/00 Kmp to 133/00 Kmp) kawngpui khuar leh leimin thenfai hna an thawh dawn avangin SP, Kolasib Public Notice vide No.SP(K)/R-35/2019/800 Dt.4.9.2024 chuan Kawnpui atanga Durtlang lam pana HMV tlan a khap a.

Durtlang to Kawnpui tlang kawng hi a tet avangin lirthei lian/HMV an tlan hian khaw kar kawngah traffic jam nasa tak a thlen theih avangin lirthei lian/HMV, Aizawl atanga Kawnpui lam pan turte chu Sairang road lamah kal vek tur a ni.