1928/2024-2025

Siaha the 5th September 2024: Vawk hri natna (ASF) avangin Siaha District chhunga Supha khua chu infected area-a puan a nih thu District Animal Husbandary & Veterinary Officer Dr H Lalzarliana chuan mipuite tan hriattirna a chhuah.

NOTIFICATION

(Declaration of Infected Area)

Siaha District huam chhung Supha khua-ah hian Vawk engemaw zat a thi tawh a, heng Vawk thi te hi African Swine Fever (ASF) vanga thi an ni tih finfiah a ni tawh a. Hetiang a nih avangin he hri a darh zel loh nan leh hri leng zel tur dan chah nan he khua hi INFECTED AREA-ah puan a tul ta a ni.

Chuvangin, kei Dr. H. Lalzarliana, District Veterinary Officer, Siaha hian "The Prevention and Control of Infectious and Contagious Diseases in Animal Act 2009" Section 20 Sub-section-1 in thuneihna min pek angin Supha khua hi vawiin  Dt. 4" September, 2024 atanga thu leh awm hma chu Vawk hri lenna hmun 'INFECTED AREA' a ni tih ka puang e.

He Infected Area chhungah hian hengte hi zawm ngei ngei tur a ni:

1. Vawk lak/phurh chhuah emaw lakluh khap tlat a ni.

2. Vawk thi reng reng paih mai lovin, chinai nen thuk taka phum ngei tur a ni.

3. Vawk dam Ieh damlo hralh emaw talh a, a sa/a rep lakchhuah khap tlat a ni.