Sub-Divisional Magistrate, Aizawl District, Aizawl hian mipui vantlang himna turin Sec. 144 Cr.PC in thuneihna a pek angin a hnuaia thupek hi a chhuah.

Mi thenkhat ten Aizawl hmun hrang hrangah Petrol leh Diesel, hemi dan Section 5 of the Mizoram Motor Spirit and High Speed Diesel (Prevention of Malpractices in Supply and Distribution) Order 1992 leh Section 3 (2) (c) (d) of the Essential Commodities Act, 1955 kalhin an zuar tih hriat a ni a. Kangmei chhuak thei a nih avangin a bul hnaiha cheng leh kawng kal mipuite tan a him lo em em a.

“Mi tumahin Aizawl khaw chhungah Petrol leh Diesel hi dan phalna nei lovin an zuar tawh tur a ni lo”

He thupek zawm lova tilui tu chu Section 188, IPC hmanga hrem a ni ang.

He thupek hian sut leh a nih loh chuan chhuah a nih atanga thla hnih (2 month) chhung a huam ang.